وزیرصحت کا بچوں کومہلک بیماریوں سے بچائو کی ویکسین یقینی بنانے پرزور

صحت کے حوالے سے وزیراعظم کے خصوصی معاون ڈاکٹر ظفرمرزا نے والدین پرزوردیا ہے کہ وہ ہربچے کومہلک بیماریوں سے بچائو کی ویکسین دینے کویقینی بنائیں۔

ویکسین پلانے کے عالمی ہفتے کے موقع پر انہوں نے اپنے پیغام میں کہاکہ حکومت ملک بھر میں دس مہلک بیماریوں سے بچائو کی ویکسین کی بلا تعطل فراہمی کویقینی بنانے کے ذریعے بیمار بچوں کی زندگیوں کی حفاظت کیلئے پرعزم ہے ۔معاون خصوصی نے کہاکہ وفاقی وصوبائی ای پی آئی پروگرامز ویکسین فراہم کرنے کے قابل اعتبار اور موثر نظام کے تحت ویکسین فراہم کرنے کے ذریعے دور دراز اور پسماندہ علاقوں میں رہنے والے ہربچے تک پہنچنے کیلئے مضبوط ڈھانچے کے قیام کیلئے مل کر کام کررہے ہیں۔